நேர்காணல் வாசிப்பு

வழங்கியவர்

 நேர்காணல் வாசிப்பு

        அரும்பு சுப்பிரமணியன் அவர்களின் நேர்காணலை வாசித்தேன். ரஷ்ய மொழியிலிருந்து நேரடியாக தமிழுக்கு மொழிபெயர்க்கும் மொழிபெயர்ப்பாளரில் ஒருவர் அரும்பு சுப்பிரமணியன். இதுவரை அவரது மொழிபெயர்ப்புகள் எதையும் வாசித்ததில்லை. ஆனால், இந்த நேர்காணலில் அவர் மொழிபெயர்ப்பு குறித்து குறிப்பிட்டவையும் மொழிபெயர்ப்பு வாசிப்பு குறித்து கூறியுள்ளனவும் முக்கியமானவை. மொழிபெயர்ப்பு வாசிப்பு என்றல்லாமல் பொதுவாகவே வாசிப்பில் மிக எளிமையான வாக்கியங்களால் மட்டுமே எழுதப்பட்டிருக்கும் ஒரு நூலைத் தொடர்ச்சியாக வாசிக்க முடியவில்லை. இடையிலேயே சலிப்பு ஏற்பட்டு விடுகிறது. அதனைக் களையும் வகையில் மூல படைப்பில் உள்ளவாறு நெடிய தொடரமைப்பைத் தான் தனது மொழிபெயர்ப்பில் பயன்படுத்துவதாக குறிப்பிட்டுள்ளார்.‌

       மொழிபெயர்ப்பின் போது ஒரு மொழியிலிருந்து மற்றொரு மொழிக்கு மொழிபெயர்க்கப்பட்டு பின் வேறொரு மொழியைச் சென்றடைவதைக் காட்டிலும் அந்த நூல் எழுதப்பட்ட நேரடியான மூல மொழியிலிருந்து பெறு மொழிக்கு மாற்றப்படுவது பல வகைகளில் அந்தப் படைப்பின் நுணுக்கங்களை உணர வழியாக அமையும். அரும்பு சுப்பிரமணியனைப் பொருத்தவரை ரஷ்யாவில் தனது உயர்கல்வியை நிறைவு செய்தவர், ரஷ்ய மொழி பயிற்றுனர், உரையாளர் என பல வகைகளில் செயல்பட்டிருப்பதால் அந்நாட்டின் கலாச்சாரத்தைத் தெரிந்து வைத்திருக்கிறார். இது மொழிபெயர்ப்பின் போது பெரியளவில் கைகொடுக்கக்கூடியது. புனைவுகளை மொழிபெயர்க்கும்போது புனைவுகளுக்குள் வரும் நிகழ்வுகளையும் சேர்த்தே மொழிபெயர்க்க வேண்டியுள்ளது. அந்நிகழ்வுகளை மொழிபெயர்க்க முன்வரும் போது அவை மொழியாக்கமாக மாறுவதற்குரிய வாய்ப்புகளும் உண்டு. ஆகையால் மொழிபெயர்ப்பாளர் அந்நிகழ்வுகளை மொழிபெயர்க்கும் போது இரண்டு மொழிகளுக்கும் பாதிப்பு ஏற்படாத வகையில் அதனைச் செய்ய வேண்டியுள்ளது.

       மொழிபெயர்ப்புக்கான தேர்வு என்பது ஒரு மொழிபெயர்ப்பாளரின் மொழிபெயர்ப்பு பயணத்தில் முக்கியமான இடம்பெறுகிறது. தஸ்தாயெவ்ஸ்கியை மொழிபெயர்த்த போது நடந்த சம்பவம் ஒன்றையும் இந்நேர்காணலில் அவர் பகிர்ந்துள்ளார். சில புத்தகங்களை வாசிக்கும் போதே சில இடங்களைக் கடக்க முடியாமால் அது பற்றிய சிந்தனை நம்மை ஆக்கிரமிப்பதுண்டு. அப்படிப்பட்ட பகுதிகளை மொழிபெயர்க்கும் போதைய மனநிலையை மொழிபெயர்ப்பாளர்கள் அனுபவிக்கின்றனர் என்பதையும் இந்நேர்காணலில் வெளிப்படுத்தியுள்ளார். மொழிபெயர்ப்பாளர்களுக்கு இரு மொழி இலக்கணங்களிலும் போதிய அளவு பயிற்சி அவசியம். இலக்கண வகைகளுக்கேற்ப சொற்களின் வகைகளைப் பிரித்து அவை பயன்படுத்தப்படும் விதத்தைக் குறித்த செய்திகளையும் இந்நேர்காணலில் காண முடிகிறது.

       இந்நேர்காணலை வாசித்ததன் வழி அரும்பு சுப்பிரமணியன் மொழிபெயர்ப்புகளை வாசிக்க வேண்டும் என்கிற எண்ணத்துடன் '32 ஆகஸ்ட்' படத்தைப் பார்க்க வேண்டும் என்றும் ஆர்வம் வந்துள்ளது. 

      ஜப்பானிய எழுத்தாளர் யோகோ ஒகாவாவின் நாவல் தமிழில் லுபுனா லினானி மூலம் நினைவுகளின் வேட்டைக்களம் என ஜப்பானிலிருந்து நேரடியாகத் தமிழுக்கு மொழிபெயர்க்கப்பட்டுள்ளது. இத்தகைய முயற்சிகள் வரவேற்கப்பட வேண்டியன.

      அரும்பு சுப்பிரமணியனின் நேர்காணல் இணைப்பைத் தருகிறேன். வாய்ப்புள்ளோர் வாசித்துப் பாருங்கள்.

-அழகுராஜ்


https://share.google/az7QVIxS16EYHorMI

மாணவர், வாசகர், ஆசிரியர்

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

"கவிப்பேரரசர்களின் கவியமுதம்" நூலறிமுகம் - அழகுராஜ் ராமமூர்த்தி

வழங்கியவர்
படம்
        நான் கல்வியியல் இளநிலைப் பட்டப்படிப்பு படிக்கும் காலகட்டத்தில் கல்வியியலைத் தாண்டி அதிகமாக இலக்கிய வாசிப்பிற்குரிய நேரம் மற்றும் சூழல் வாய்த்தது. ஸ்ரீ சுந்தரேஸ்வரி கல்வியியல் கல்லூரியில் மக்கள் தொடர்பு அலுவலராக இருக்கும் செ.பாலகிருஷ்ணன் ஐயா அவர்கள் பழந்தமிழில் புலமை பெற்றவர். 83 வயதைக் கடந்துள்ள அவரது இன்றைய செயல்பாடுகள் என்னை போன்ற இளைஞர்கள் கற்றுக்கொள்ள வேண்டியன. சுறுசுறுப்பும் ஓயாத உழைப்புமாக செயல்படும் அவர் எப்போதும் கண்டித்துணர்த்துவதோடு பாராட்டும் குணமும் ஒருங்கே உடையவர். பழந்தமிழில் புலமை பெற்ற தமிழாசிரியர்கள் இக்கால இலக்கியத்தின் மீது அதிக கவனம் செலுத்துவதில்லை. அதன் தன்மை மீது ஏதோ ஓர் ஒவ்வாமை உடையவர்களாகவே காணப்படுகின்றனர். அந்தக் கணக்கில் ஐயாவையும் சேர்க்கலாம். இருந்தாலும் மாணவர்களின் வாசிப்பை ஊக்குவிக்கக்கூடியவராக தினமும் புதிதாக எதையேனும் வாசித்துத் தெரிந்துகொள்ள வேண்டும் என்பதை பார்க்கும்போதெல்லாம் வலியுறுத்தாவார். நானும் சந்துரு அண்ணனும் மதிப்பெண் சான்றிதழ் வாங்க போன அன்று கல்லூரியில் வேலை பார்க்கும் ஆசிரியர்கள், ஆசிரியர் அல்லாத பணியாளர்கள் அ...
Read more »

கரப்பான் அரசியலில் எச்சரிக்கை தேவை -அழகுராஜ் ராமமூர்த்தி

வழங்கியவர்
படம்
  கரப்பான் அரசியலில் எச்சரிக்கை தேவை -அழகுராஜ் ராமமூர்த்தி       கரப்பான்பூச்சி ஜனதா கட்சி சார்பில் இன்று இந்திய கல்வி அமைச்சருக்கு எதிரான போராட்டம் அமைதியான முறையில் தொடங்கப்பட்டுள்ளது. மும்மொழி கல்விக் கொள்கை, பி.எம்.ஸ்ரீ என தீவிரமாகப் பேசும் தர்மேந்திர பிரதான் நீட் குளறுபடி உள்ளிட்ட சமீபத்திய நாட்களில் நிகழும் கல்வித்துறை சார்ந்த பிரச்சனைகளில் முறையான  நடவடிக்கைகள் எதையும் மேற்கொள்ளவில்லை. இரண்டு ஆண்டுகளுக்கு முன்பு யுஜிசி நெட் தேர்வுக்கான முதல் தாள் கசிந்தது. இப்போது நீட் தேர்வுத்தாள் கசிவு. சிபிஎஸ்இ தேர்வு முடிவுகளில் குளறுபடி என பல்வேறு பிரச்சனைகள் தொடர்ச்சியாக வருகின்றன. அரசு நடத்தும் தேர்வுக்கான வினாத்தாள்கள் தொடர்ச்சியாக தேர்வு நடைபெறும் முன்னரே வெளியாகிக் கொண்டிருக்க நாடு முழுக்க ஒரே கல்வி என்ற அறிவிப்பை வேறு செயல்படுத்த துடித்துக் கொண்டிருக்கின்றனர். இப்படிப்பட்ட அமைச்சகத்தின் கீழ் கல்வியை ஒருங்கிணைப்பது சீர்கேடாகத் தான் முடியும். தமிழ்நாட்டின் உயர் கல்வித்துறை அமைச்சர் முந்தைய அரசின் நிலைப்பாடுகளை அப்படியே பின்பற்ற வேண்டிய அவசியமில்லை என்கிறார்....
Read more »

தேடல் பறவை

வழங்கியவர்
படம்
      அனைவருக்கும் வணக்கம், நண்பர் குழுவால் பேச்சு வடிவில் தங்கள் சிந்தனைகளை வெளிப்படுத்த  தேடல் வலையொளி  நடத்தப்பட்டு வருகிறது . அதன் தொடர்ச்சியாக இலக்கியம் சார்ந்த தகவல்களை எழுத்து வடிவில் கொடுக்கும் நோக்கத்தோடு இந்த வலைப்பூ தொடங்கப்படுகிறது.       தேடல் பறவை வலைப்பூவில் கவிதை, சிறுகதை, கட்டுரை , ஆய்வு கட்டுரை, பயண கட்டுரை, தத்துவம், இயற்கை, சூழலியல் சார்ந்த தகவல்கள், புத்தக விமர்சனம், எழுத்தாளர் அறிமுகம் முதலியன பதிவிடப்படும். நண்பர்கள் அனைவரும் ஆதரவு தருமாறு அன்புடன் கேட்டுக் கொள்ளப்படுகிறது.      தேடல் பறவை வலைப்பூவில் உங்கள் படைப்புகள் வெளிவரவேண்டும் என விரும்பினால், thedal.2020@gmail.com  என்கிற மின்னஞ்சல் முகவரிக்கு உங்கள் படைப்புகளை அனுப்பலாம்.
Read more »